Para sa mga pumapasok sa eskwela o pumapasok sa opisina, weekend lang ang pagkakataon na magampanan nila ang mga obligasyon at errands tulad ng pagbabayad ng bills, pag asikaso sa mga government documents, at iba pang mga transactions. Kadalasan, kailangan pang mag leave sa opisina o umabsent sa eskwela para lang magawa ang mga bagay na ito. Kaya naman malaking tulong kung ang mga government agencies ay may mga bukas na opisina hanggang Sabado dahil nagkakaroon ng pagkakataon ang mga taong makipag transact na hindi na kailangang mag leave sa trabaho.
Kaya’t magandang balita para sa mga residente ng Metro Manila na ang Social Security System (SSS) ay magbubukas ng ilan sa kanilang mga branches ng anim na araw sa isang linggo. Ibig sabihin, maaari nang mag transact ang mga SSS members at applicants sa mga branches na ito mula Lunes hanggang Sabado.
Narito ang mga SSS branches na bukas sa lahat ng Sabado simula October 1 hanggang December 31, 2022:
| SSS BRANCH | LOCATION | OPERATING HOURS |
| Cubao | Puregold Cubao | 8 AM to 5 PM |
| Malabon | Malabon Citisquare | 8 AM to 5 PM |
| Novaliches | Robinsons Novaliches | 8 AM to 5 PM |
| Paseo de Blas | Paseo de Blas | 8 AM to 5 PM |
| Antipolo | Antipolo Triangle Mall | 8 AM to 5 PM |
| Mandaluyong Shaw | 500 Shaw Zentrum | 8 AM to 5 PM |
| Marikina | Xeland Marikina | 8 AM to 5 PM |
| Ortigas | Robinsons Galleria | 8 AM to 5 PM |
| Las Pinas | SM Southmall | 8 AM to 5 PM |
| Makati-Chino Roces | Makati Central Square | 8 AM to 5 PM |
| Paranaque | Puregold Sucat | 8 AM to 5 PM |
| Taguig | SM Aura Tower | 8 AM to 5 PM |
Paalala lamang na walang Tellering Services sa mga branches na ito kapag Sabado, kaya’t kung ang pakay ng inyong pag bisita ay upang magbayad o mag remit ng bayad, gawin na lamang ito sa mga payment partners ng SSS gaya ng GCash, ShopeePay, at sa mga over-the-counter payment centers ng SSS. Lahat naman ng iba pang SSS transactions ay maaaring gawin sa SSS branch na bukas ng Sabado.
Kung may mga katanungan tungkol sa Saturday schedule ng SSS at iba pang mga serbisyo at transactions, maaaring tawagan ang SSS Call Center sa mga sumusunod na numbers:
- 8-1455 (kung gamit ay landline)
- 02-1455 (kung gamit ay mobile phone)
Ang call center ay bukas mula Lunes hanggang Biyernes.
Reference:
MasterCitizen's Blog 