09-09

Kasama sa krusada ng Presidente ang gawing madali at simple ang mga government processes para makabawas sa dagdag na gastos ng mga Pinoy.  Bilang pag tugon sa panawagang ito, tinanggal na ang requirement ng Overseaas Employment Certificae (OEC) para sa mga kababayan nating OFW na nagbabakasyon sa bansa at babalik din sa dating employer, sa dating lugar na pinagta-trabahuhan.

Ito ay effective simula unang linggo ng September 2016.

Narito ang mga hakbang para mag qualify ang isang OFW sa OEC Exemption (sa ilalim ng Resolution No. 12 mula sa Governing Board of the Philippine Overseas Employment Administration (POEA):

  1. Mag register sa BM Online Facility bago ang araw ng flight pabalik sa ibang bansa ng OFW.  Libre ang registration.
  2. Ipapadala ng POEA ang impormasyon na makakalap mula sa registration ng OFW sa Bureau of Immigration (BI).  Ito ang gagamitin ng Immigration officer na basehan kung ang manggagawa ay qualified sa exemption.
  3. Kung makikitang hindi ka kwalipikado sa exemption, madi-direct ka sa BM Online Webpage kung saan kailangan mong muling mag register at mag set ng appointment sa POEA.
  4. Kung didiretso ka naman sa BI counter sa airport ngunit hindi ka nakapag register online, papupuntahin ka sa Labor Assistance Counter (LAC) para ma-evaluate.

Tandaan na ang mga kwalipikado lamang sa exemption ay ang mga sumusunod:

  • Mga OFW na pabalik sa dating employer at sa dating lugar ng pinagta-trabahuhan at may existing records sa POEA database.
  • Mga OFW na nabigyan ng trabaho sa pamamagitan ng Government Placement Branch o ng in-house recruitment facility ng POEA.

Kung qualified ka sa OEC exemption, hindi mo na din kailangang magbayad ng travel tax at terminal fee.  Siguraduhin lamang na maipapakita mo ang mga sumusunod na dokumento sa Tourism Infrastructure and Enterprise Zone Authority (TIEZA) at sa Manila International Airport Authority (MIAA):

  • Valid work visa
  • Work permit
  • Valid employment contract
  • Valid company ID
  • Recent payroll slip
  • Other equivalent documents

Kaya’t maligayang pagbabalik sa bansa at mapayapang byahe pabalik sa inyong mga trabaho, mga bayaning OFW!

Source: http://www.rappler.com/move-ph/balikbayan/142336-poea-oec-scrap-for-returning-ofws

Ad